«Առևտրի կառավարում 8» ծրագիրը թույլ է տալիս համալիր կերպով ավտոմատացնել առևտրային օպերացիաների օպերատիվ և կառավարչական հաշվառման խնդիրները,  վերլուծության և պլանավորման գործընթացները: Ծրագրի մեջ ներկառուցված է 2 լրացուցիչ մոդուլ. Ավտոսերվիսի աշխատանքի ավտոմատացում, որը նախատեսված է ավտոտեխսպասարկման կայանների աշխատանքի ավտոմատացման համար, և Տպիչների քարթրիջների փոխարինում մոդուլը:

«Մանրածախ առևտուր Հայաստանի համար» ծրագիրը նախատեսված է ճյուղավորված մանրածախ ցանցի մեջ մտնող մանրածախ վաճառակետերի (խանութների) բիզնես գործընթացների ավտոմատացման համար: Ծրագիրը թույլ է տալիս ավտոմատացնել ապրանքային պաշարների հաշվառումը խանութների պահեստներում և դրամական միջոցների հաշվառումը խանութների դրամարկղերում՝ այդ թվում նաև որպես դրամարկղային ծրագիր:  

Մանրածախ ձեռնարկության ցանցային կառուցվածքի համար նախատեսված է բաշխված տեղեկատվական բազաների ռեժիմը: Ծրագրում օգտագործվում է տվյալների ներքին փոխանակում խանութների միջև՝ փաստաթղթաշրջանառության բաժանումով:

«Մանրածախ առևտուր Հայաստանի համար բազային» ծրագիրը նախատեսված է մեկ օգտագործող ունեցող խանութում բիզնես գործընթացներն ավտոմատացնելու համար: Ծրագիրը որևէ տեղայնացում չի պահանջում: 

Հաշվառումը տարվում է մեկ արժույթով՝ դրամով: Ծրագրում հաշվի են առնված ՀՀ օրենսդրական պահանջները և շուկայի առանձնահատկությունները, կան փաստաթղթերի տպագրական ձևեր հայերեն լոզվով և անհրաժեշտ դասիչներ:

«Շարժական առևտուր» ծրագիրն ապահովում է   տվյալների փոխանցում անլար տեխնոլոգիաների միջոցով (3G, Wi-Fi): Աշխատանքը սկսելուց առաջ առևտրային գործակալը կատարում է տվյալների փոխանակում հաշվառման համակարգի հետ: Տվյալների կենտրոնական բազայից նա տեղեկատվություն է ստանում ապրանքային մնացորդների, հաճախորդի պարտքերի մասին, ինչպես նաև ստանում է ընթացիկ օրվա երթուղային թերթիկը:

Օրվա ընթացքում առևտրային գործակալը փաստաթղթերը գրանցում է շարժական սարքավորման մեջ, դրանք ուղարկում է կենտրոնական բազա և պարբերաբար այնտեղից ստանում է թարմացված տեղեկատվություն պահեստի մնացորդների վերաբերյալ:

«Շարժական առևտուր» ծրագիրը աշխատում է «Առևտրի կառավարում» ծրագրի հետ համատեղ:  

Շարժական հավելված է, որն ավտոմատացնում է առևտրային ներկայացուցիչների և մերչենդայզերների աշխատանքը սմարթֆոնների և պլանշետների վրա (Android): Այն բարձրացնում է աշխատանքի արդյունավետությունը, մեծացնում է վաճառքների ծավալը, ապահովում է առևտրի կետերի հաճախելիության վերահսկումը և թույլ է տալիս արդյունավետ կերպով օպտիմալացնել բիզնես գործընթացները: Մշակվել է «Агент Плюс 2.0» տեխնոլոգիական պլատֆորմի վրա և ինտեգրվում է տարբեր կորպորատիվ տեղեկատվական համակարգերի հետ:

«1С: Փաստաթղթաշրջանառություն ՊՐՈՖ»-ը չունի ոլորտային  առանձնահատկություններ և կարող է արդյունավետ կերպով օգտագործվել թե բյուջետային, և թե առևտրային ոլորտներում՝ լինի դա բաշխված հոլդինգային կառուցվածք կամ ոչ մեծ ձեռնարկություն: Լինելով ունիվերսալ, ծրագիրը հեշտությամբ կարող է հարմարեցվել կոնկրետ կազմակերպության կարիքներին: 

Ծրագրում կա այն ամենը, ինչն անհրաժեշտ է օպերատիվ հաշվառման, վերահսկման, վերլուծության և գործի պլանավորման համար: Ծրագիրը կարող եք հեշտությամբ հարմարեցնել ձեր կազմակերպությունում ընդունված կառավարման և հաշվառման առանձնահատկություններին համապատասխան: Դա տալիս «արագ մեկնարկի» հնարավորություն և հեշտացնում է ամենօրյա աշխատանքը:

Ծրագիրն օգնում է բարձրացնել ընկերության աշխատանքի արդյունավետությունը: Այն տալիս է կառավարման բազմազան գործիքներ սեփականատերերին և կառավարիչներին, իսկ աշխատակիցներին՝ հնարավորություն արդյունավետ կատարելու ամենօրյա աշխատանքը: